2023 оны 8-р сарын 1 ᠋дүгээр арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2023 оны 8-р сарын 1 ᠋дүгээр арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2023-08-11                                                                                                                         Есөнбулаг сум

10 хоногийн тойм бичвэр: Говь-Алтай аймгийн нутгаар 2023 оны 8-р сарын нэгдүгээр арав хоногийн байдлаар агаарын дундаж температур Алтайн өвөр говиор 25.2-26.8 градус дулаан, бусад сумуудад 16.8-23.6 градус дулаан байлаа. Агаарын хамгийн их температур Шаргад 38, Тооройд 36, Бигэрт 34, Алтай, Тайширт 33, Гуулин, Дарив, Дэлгэрт 32, бусад сумуудад 26-30 градус дулаан байлаа.

Агаарын хамгийн бага температур Эрдэнэд 6, Цогтод 7, Цээл, Есөнбулаг,  Чандманьд 9, Тонхил, Халиунд 10, бусад сумуудад 11-18 градус дулаан байлаа.

Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 32-35 градус дулаан, бусад нутгаар 22-31 градус дулаан байлаа. Хөрсний гадаргын хамгийн их температур Алтайд 65, Тооройд 63, Чандманьд 62, Хөхморьт, Шаргад 60, Гуулин, Бигэрт 57, Дарив, Тайшир, Цээл, Эрдэнэд 56, бусад нутгаар 48-55 градус дулаан байлаа.

Хөрсний гадаргын хамгийн бага температур Эрдэнэд 3, Цогтод 4, Чандманьд 5, Есөнбулагт 7, Гуулин, Цээлд 8 градус дулаан, бусад сумуудад 9-17 градус дулаан байлаа.

Хур тунадасны хувьд энэ арав хоногт ихэнх нутгийг хамарсан ба Баян-Уулд  85.4 мм, Хөхморьтод 37.9 мм, Шаргад 16.0 мм, Даривт 15.4 мм, Төгрөгт 13.6 мм, Есөнбулагт 11.4 мм, Тайширт 11.3 мм, Дэлгэрт 10.7 мм, Цээл 8.4 мм, Бугатад 8.0 мм,  Бигэрт 7.9 мм, Гуулин тосгонд 7.2 мм, Цогтод 7.0 мм, Халиунд 6.7 мм, Жаргаланд 4.3 мм, Тооройд 3.5 мм, Тонхилд 2.4 мм, Эрдэнэд 1.3 мм, Чандманьд 0.7 мм хур тунадас орсон байна. Харин Алтай сумд хур тунадас ороогүй байна.  

Салхины хамгийн их хурд Бугатад 20 м/с, Алтай, Тонхилд 18 м/с, Есөнбулаг 16 м/с, Тооройд 15 м/с, бусад сумуудад 7-12 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Малын хорогдол: Малын хорогдол энэ сард мал хорогдлын мэдээ ирээгүй байна.

Ургамлын мэдээ: Говь-Алтай аймгийн нийт нутгаар бэлчээрийн ургамлын ажиглалтын талбайд ургамал цухуйлт болон залаалалт, цэцэглэлтийн үе шат ажиглагдсан байна.

Говь-Алтай аймгийн зуншлагын байдал буюу бэлчээрийн ургамлын ургалтын байдал 2023 оны 8 дугаар сарын 11-ний байдлаар Есөнбулаг, Хөхморьт, Баян-Уул, Жаргалан, Төгрөг, Шарга сумуудад 32.9 хувьд зуншлага сайн буюу ургалт сайн, 57.9 хувьд зуншлага дунд буюу ургалт удааширалтай Алтай, Бугат, Тонхил, Тоорой, Гуулин тосгон, Бигэр, Дарив, Халиун, Цогт, Цээл, Чандмань, Эрдэнэ сумууд орж байна. Харин 9.2 хувьд зуншлага муу буюу ургалт муу сумуудад Дэлгэр, Тайшир сумуудад гарсан байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /